Ras på Hatvik

Fredag klokka 14.50 melder brannvesenet om utrykking til Hatvik.

– Det er gått eit ras, skriv 110-sentralen på Twitter.

Raset gjekk nær ferjekaien, og viste seg å vera mindre enn frykta.

– Ingen personar er skadd. Vi kjenner heller ikkje til at bilar har blitt skadd, sjølv om delar av raset har gått ut i vegen, seier politioverbetjent Christine Grindstein.

Bildeserie:

1 av 7

Det var ei stund stopp i trafikken, men politiet fekk dirigert trafikken frå ferja mot Os og motsett, om bord på ferja og vidare til Venjaneset.

– No ventar vi på geolog som vil vurdera staden og eventuell fare for nye ras.

Også i fjor gjekk det ras ut i Hatvikvegen, nærmare Os. Då blei sagt at det var fare for fleire ras.