Sat bak rattet med svært høg promille

Rett før klokka 04 natt til søndag blei ein bilist kontrollert i Os sentrum.

– Bilførar, ein mann i 20-åra, blåste til langt over lovleg verdi i forhold til alkohol, opplyser vakthavande ved Bjørnafjorden politistasjon.

Bilen sto i ro, men motoren var i gang.

– Også øvrig informasjon på staden tilsa at han hadde plan om å køyra bilen.

Bilførar blei tatt med for blodprøvetaking. Han er meldt for forsøk på køyring i rus, og det er tatt midlertidig beslag i førarretten.

To avskiltingar

I løpet av laurdag og søndag har politiet funne fleire tekniske manglar på bilar dei har kontrollert i og utanfor Os sentrum.

To av dei blei avskilta grunna manglande EU-godkjenning, éin hadde lysfeil og ulovleg seinkesett, og må visa bilen for vegvesenet.

Ein siste bilførar slapp unna med muntleg beskjed om å utbetra mangel eller feil på lys.