Skøyter | 03. mars 2023

Sikra medalje i lagtempo

– Det beste vi klarte på ein dag som denne.

Sikra medalje i lagtempo
Norge kjempa om gull og berga bronse i dagens lagtempo. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 03. mars 2023 21:21

I går gjorde Sverre Lunde Pedersen det skarpt på 5.000 meter, der han kom i mål som beste norske, og landa på 7. plass.

I dag gjekk han lagtempo saman med Peder Kongshaug og Allan Dahl Johansson, som kom inn for Sander Eitrem.

Lagkaptein Pedersen gjekk bak og styrte tempoet. (Foto: Kjetil Vasby Bruarøy)
Lagkaptein Pedersen gjekk bak og styrte tempoet. (Foto: Kjetil Vasby Bruarøy)

Norge gjekk i 3. av 4 par, der dei blei slått av Canada. Dei to låg på foreløpig 2. og 1. plass før USA og Nederland i siste par.

Der blei det noko dramatikk.

USA ramla, Nederland tok gull på heimebane og Norge fekk bronse bak Canada på 2. plass.

– Det er alltid spesielt når nokon ramla, men det er dessverre ein del av gamet, seier Sverre til Midtsiden etter løpet.

Sverre Lunde Pedersen hadde det i si hule hand, men hekta og fall frå VM-gullet (foto: Ørjan Håland)
Les ògRamla frå VM-gullet

– Sjølv var vi litt seine frå start, vi fekk aldri den farten vi ønskte, og det er vanskeleg å justera seg undervegs.

– Skulle vi gjort noko annleis så skulle vi ha opna noko hardare, seier Sverre.

Sette banerekord i 2021

I fjor mista Sverre VM på heimebane på Hamar.

I 2021 var han med på å setja banerekord i Thialf i Heerenveen, med tida 3:39.080 i verdscupen.

Pedersen gjekk då saman med Johansson og Engebråten.

Vinnartida i dag var 3.38,36, Norge gjekk i mål på 3.40,93.

Sverre var med Norge med å ta OL-gull i lagtempo både i Beijing i 2022 og i Pyeongchang i 2018.

I 2020 blei det EM-bronse i lagtempo. Pedersen gjekk då saman med Bøkko, Engebråten og Ulekleiv.

Han har også vore med å ta gull samanlagt i lagtempo i verdscupen minst fem sesongar, første gong i 2009-2010.

Spennande? Vil du ha ukas høgdepunkt i innboksen?

Les meir om

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.