Siste dag med regn: Melder 12 gradar søndag

Måndag 26. februar fekk elevane ein solrik start på vinterferien. Resten av veka har bydd på både nedbør og ein del vind.

Men Yr og Storm er samde om at det skal letta i 18-19-tida i kveld, og at det skal bli opphaldsvêr resten av helga - og heile neste veke.

Temperaturen skal opp i 8-9 gradar laurdag, på ein overskya dag, og opp mot 12 gradar søndag.

Søndag er det òg meldt meir lettskya og kanskje nokre solglimt.

Det er meldt 7-10 gradar i neste veke. Vindstyrken skal halda seg under 3 m/s.

Tysdag er det meldt skyfri himmel delar av dagen.

• Sjå detaljert vêrmelding for Osøyro frå Storm og Yr side om side på VG Pent

Yr melder noko lettare skydekke enn Storm dei andre dagane.

Men dei er uansett samstemte om ei tørr, vindstille og noko varmare veke.

Då kan òg fleire vårteikn dukka opp ...