Politi | 11. nov. 2021
Sjekka 11 tunge køyretøy
Resulterte i to gebyr og tre bruksforbod.
Kjetil Vasby Bruarøytorsdag 11. nov. 2021 15:09
Statens vegvesen har i dag hatt trafikkontrollar på E39, både på Halhjem og i Hjellemarka.
Totalt var 34 tunge køyretøy innom kontrollplassane. Alle desse blei kontrollert for begjæringar (manglende EU-kontroll, forsikring, omregistrering og årsavgift) og vektkontroll.
– Vi tok ein nærmare kontroll på 11 av køyretøya, opplyser Terje Bødtker frå vegvesenet.
Av desse 11 blei det følgjande resultat:
- To sjåførar blei sjekka for køyre- og kviletid, ein av dei fekk åtvaring.
- Eitt køyretøy fekk gebyr på 500 kroner for manglande vognkort, eitt fekk 3000 kroner i gebyr for manglande kjettingar.
- Tre køyretøy fekk bruksforbod grunna dårleg lastsikring..
- Eitt køyretøy hadde «utgått» kran.
I tillegg blei det delt ut nokre muntlege åtvaringar på ulike manglar på lys.
