Skadefri inngang på 2023

I 01-tida i natt opplyste Vest politdistrikt at den første timen inn i 2023 gjekk greit for seg, utan meldingar om alvorleg personskade trass mange meldingar om ufornuftig bruk av fyrverkeri og mange folk samla i Bergen sentrum.

I Os var det lite folk i sentrum, men politiet fekk melding om utrygg bruk av fyrverkeri i utkanten av sentrum.

– Litt over klokka 22 var vi ute i eit nabolag. Der var vi i kontakt med ei gruppe mindreårige, og informerte dei om skadepotensialet ved ufornuftig bruk av fyrverkeri, fortel vakthavande ved Bjørnafjorden politistasjon.

Les ògMann pågripen etter knivstikking

Også brannvesenet har hatt lite å gjera på i samband med nyttårsfyrverkeriet.

110-sentralen meldte klokka 16.50 om røykutvikling i ein bustad i 16.50-tida. Årsaka var elektronikk og branntillaupet blei raskt sløkt.

Klokka 20.10 kom det melding om brann i eit søppelspann på Øyrane Torg.

Det er venta ei større samling av folk i sentrum klokka 18 i kveld, når Pro Pyro skal stå for ei profesjonell markering av starten på 2023.