Skal kontrollera busspassasjerar over heile landet
– Skadepotensialet er stort.
I veke 13 skal Statens vegvesen kontrollera beltebruk i buss over heile landet.
– Det skjer heldigvis sjeldan større bussulykker, og buss blir opplevd som eit trygt transportmiddel, seier Ingvild Ryengen-Bjerke i Statens vegvesen.
Både denne vinteren og førre har det vore utforkøyringar med buss i Os etter snøfall.
– Skadepotensialet stort ved usikra passasjerar om det skjer eit uhell, både for deg og medpassasjerar.
– Bodskapen vår er derfor, der det er belte, bruk det!
Manglande tryggleik blei tema då bussane mellom Os og Bergen var fulle, med mange ståande i 100-sona (rett nok har bussane berre lov å køyra i 80) etter opning av ny E39 i slutten av oktober i fjor.
Frå 1. mars blei kapasiteten auka.
Ei spørre undersøking frå 2021 viser at 70 prosent av passasjerane opplyser at dei bruker belte i buss.
Bussjåførane har inntrykk av at berre 50 prosent bruker belte.