Skal nå toppen i 22-tida

Bildeserie:

1 av 6

Det er meldt kuling frå sør i kveld, og utover dagen auka vindstyrken på.

På det kraftigaste i 22-tida i kveld er det venta 15,5 m/s, noko som tilsvarar stiv kuling. Liten storm når du først ved 20,8 m/s.

Klokka 21.33 er det full flo, noko som gjer at det truleg vil skvulpa godt i Os hamn og andre sørvendte viker seinare i kveld.

I 16-tida skumma det godt på bølgjetoppane ute i fjorden, og over bølgedemparane. Det skvatt òg lit over begge dei ytste moloane.

Gjerde velta ut i vegen

– Med unntak av ein automatisk brannalarm i ein bustad på Lurane, som var løyst ut av ukjent årsak, har vi ikkje vore ute på oppdrag i kveld, seier varabrannsjef Erik Walden.

– Men eg kjenner til at teknisk eining i Os kommune var ute for å få vekk eit gjerde som hadde ramla ut i vegen i Holtbrekka.

384 utan straum

Det er to straumbrot i bergensområdet no, 31 abonnentar i Bergen sentrum er utan straum og 353 abonnentar frå Kalandseid inn mot Bontveit manglar straum.

Ifølgje BT.no er Sotrabrua i skrivande stund open, men det er målt 18 m/s vind og opptil 27 m/s i kasta.

Har vind eller bølgjer gjort skade der du er?

• Send informasjon og bilde på tips@midtsiden.no.

Kraftig vind fram til torsdag kveld

Det er venta noko rolegare vindforhold i Os onsdag på dagtid, men på kvelden og natt til torsdag skal den opp i 10-12 m/s igjen.

Frå torsdag kveld skal den ned i 6-7 m/s.