Skreiv ut 18 fartsbøter i Os i går

UP sto med laseren tre stadar i Os i går.

I førre veke tok dei to førarkortbeslag her. I går stoppa dei 14 fartssyndarar. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 26. mai 2021 08:57

Bjørnafjorden lensmannskontor har ikkje noko å melda frå i går, men har fått rapport frå kollegaene sine i Utrykningspolitiet.

UP hadde laserkontroll tre stadar i går.

På Byvegen frå klokka 17.50 var det ingen som køyrde for fort, men éin bilførar som fekk forenkla forelegg for ulovleg bruk av mobiltelefon,

Frå klokka 18.38 sto dei på Lyseklostervegen ved Ulven leir. Der tok dei to førarkortbeslag i førre veke, utan at det var avskrekkande for alle.

I går delte dei ut heile 14 forenkla forelegg på staden. Høgaste fart blei målt til 73 km/t i 50-sona, noko som kvalifiserer til 9.050 kroner i forelegg og tre prikkar på førarkortet.

Klokka 20.21 flytta dei seg til Hegglandsdalsvegen. I ei 50-sone stoppa dei 4 fartssyndarar.

Høgaste fart blei målt til 66 km/t, noko som resulterer i 5.850 kroner i forelegg og tre prikkar på førarkortet.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.