Litt før klokka 8 i går rykte alle nødetatane ut til Haugsneset.
– Det var kome melding om at det lukta svidd på ei adresse, fortel politibetjent Atle Birkeland.
Ein person hadde sovna frå ein kokande kjele.
Då nødetatane kom til staden var det tørrkokt og litt røyk i bustaden.
Politiet har meldt vedkomande, og det er oppretta sak.
UP gjennomførte i går ein kontroll i 70-sona på Halhjemsvegen.
Det blei utdelt 6 forelegg, kor høgaste fart var målt til 89 km/t i 70-sona.
Dette resulterte i ei bot på 6700 kroner og to prikkar på førarkortet.
