Meining | 31. mars 2023

Staten må ta styringa

Lesarinnlegg: Sjølvsagt skal nynorskelevar ha læremiddel på eiga målform.

Staten må ta styringa
F.v.: Elias Eide, Tora Kildehaug og Ida Lutr. (Foto: Unge Høyre)
Kjetil Vasby Bruarøy
Kjetil Vasby Bruarøyfredag 31. mars 2023 06:54

Nynorskelevar må få læremiddel på si eiga målform. Det må Vestland fylkeskommune gå i front for å sikra.

Skulen består i dag av meir enn fysiske bøker. Digitale læringsressursar har for lengst blitt ein svært viktig del av skulekvardagen.

På mange skular i Vestland er digitale læremiddel meir vanleg enn bøker. På andre står dei for ein mindre del.

I dag er det ikkje krav til at slike digitale ressursar treng å vera på elevane si målform.

Det er det på tide å gjera noko med når Stortinget denne våren skal handsama den nye opplæringslova.

I 2020 sette Vestland fylkeskommune ned eit eige nynorsknettverk. Fylkesutvalet vedtok mandatet som seier at dei «jobbar for auka bruk og fremjing av nynorsk på alle samfunnsområde i Vestland fylke».

To år seinare vart Vestland fylkeskommune kåra til årets nynorskkommune. No er det på tide at landets største nynorskfylke hevar stemma og seier klart i frå.

Her må staten ta styringa, og stilla tydelege krav til tilbydarane. For sjølvsagt skal nynorskelevar ha læremiddel på si eiga målform.

Elias Eide, Tora Kildehaug og Ida Lutro
Ungdomskandidatar til fylkestinget for Vestland Høgre

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.