Staten vil ikkje betala
Staten seier nei til å vera med å spleisa på gang- og sykkelveg mellom Hauge og Valle.
Kommunen og vegvesenet fortalde då dei hadde nabomøte med interessentane langs Hegglandsdalsvegen at dei håpa på å få 18 millionar kroner gjennom ei statleg tilskotsordning til sykkelvegar.
Les: Slik blir Hegglandsdalsvegen
No har dei fått svar, og det var ikkje av det positive slaget.
– Staten vil ikkje betala det vi hadde håpa på, så no mangler vi dei pengane, fortalde Aina Tjosåas, kommunalsjef for samfunnsutvikling i plan- og bygningsutvalet torsdag.
Rykk tilbake til start
Kostnadsrammen på prosjektet er 36 millionar kroner, kor Os kommune går inn med fem og Hordaland fylkeskommune med 13 millionar.
– Vi er i dialog med fylket om det er andre pottar vi kan søke på. Det finst eit nytt tilskot som vi er oppmoda å søkje på, men dette er litt rykk tilbake til start.
Skal finna midler
Gang- og sykkelstien er langt kome i prosjekteringa og kommunen vil uansett starte opp med legging av ny vass- og avlaupsledning i grunnen kor gang- og sykkelvegen skal koma oppå.
– Vi er veldig einig med fylket om at vi skal få dette til. Om vi gjer det, så blir det oppstart i august, fortalde Tjosås.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.