Stenger parkeringsplassen i tre dagar
Skal utvida, asfaltera og merka.
Behovet for fleire parkeringsplassar i Os sentrum er tydeleg.
No blir det snart ei lita utviding, mens vi ventar på nytt parkeringshus under grusbanen, men først blir kapasiteten redusert nokre dagar.
Grusplassane etter Circle K-stasjonen og den gamle brannstasjonen skal bli retta ut, få asfalt og oppmerkte parkeringsplassar.
Stenger frå søndag kveld
Mens arbeidet pågår blir parkeringsplassen på Circle K-tomta stengt.
Arbeidet startar om kvelden søndag 29. september og varar til og med onsdag 2. oktober, melder Os kommune.
Alternativ i og rundt sentrumskjerna
I mellomtida (og elles) kan du parkera gratis i inntil 8 timar ved Vognhallen, Oseana, langs Byvegen (nedanfor Os barneskule), ved Kløvertun og Landboden.
Du kan òg parkere i inntil 24 timar ved Os næringspark i Holtbrekka.