Samferdsle | 28. nov. 2022
Stengt på dagtid i tre dagar
Delar av Borgavegen skal få ny asfalt.
Kjetil Vasby Bruarøymåndag 28. nov. 2022 13:33
Den kommule vegen Borgavegen har vore stengt i fleire periodar i år grunna legging av ny kabel.
Denne veka skal siste del få ny asfalt.
– Borgavegen frå nummer 30 til krysset ved Nordmarka blir stengt på dagtid tysdag, onsdag og torsdag 29. november til 1. desember, opplyser Bjørnafjorden kommune.
Vegen blir stengt frå klokka 07 om morgonen til klokka 18 om kvelden.
I perioden er det berre køyring til eigedomane, og noko ventetid må påreknast.
Omkøyring via Hegglandsdalsvegen blir skilta.
