Stengt veg etter leidningsbrot i Kolabakkane

I går tok dei ferie, i natt blei det brot i leidningen som skal skiftast. (Oppdatert)

I mai var gangveg frå Kolabakkane stengt grunna arbeid med skifting av rør (bildet), i dag er bilvegen stengt grunne brot i leidningane som skal skiftast. (Foto: Kjetil Osablod Grønvigh)
Kjetil Vasby Bruarøy
Kjetil Vasby Bruarøyfredag 12. juli 2019 09:09

Kolabakkane blir stengt for inn- og utkøyring frå klokka 9 i dag. Årsaka er vassleidningsbrot, melder Os kommune.

– Fotgjengarar kan passera, seier einingsleiar Agnete Haugland.

Brotet har skjedd oppe i bakken, litt ovanfor det store leidningsbrotet i februar 2016, og fleire bustadar er no utan vatn.

Sidan mai har Os kommune jobba med å skifta dette leidningsnettet, men arbeidet er ikkje ferdig, og det er ein gamal leidning det no er brot i.

Den innleigde entreprenøren gjekk på ferie i går, men det gjorde heldigvis ikkje kommunen sin eigen mannskap, som no må kartlegga og grava.

OPPDATERT: Fredag kveld melder Os kommune at skaden er reparert og alle har fått vatn igjen. Vegen opna klokka 22.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.