Stolen bil framleis sakna

Søndag formiddag blei det oppdaga innbrot og tjuveri av to bilar frå eit firma i Os.

– Dei øydela ein port for å ta seg inn i verkstaden. Her stal dei nøklane til to av dei tre firmabilane våre, fortel Andri Håvardstun frå Unik Filtersystem.

Så langt ser det ikkje ut til at tjuvane har tatt noko anna enn bilnøklane. Og bilane.

Den eine blei funnen igjen i eit nabolag i Os same dag, den andre er sist observert passera gjennom bomringen i Sandviken i 17-tida søndag, retning frå Åsane og inn i sentrum.

Bilen er en sølvgrå Volkswagen Transporter med registreringsnummer SV 80062. Bilen hadde UNIK-logo på sida og i front då den blei stolen.

– Bilen som er sakna er den nyaste og best utstyrte. Servicebilen var lasta og førebudd på tur til kundar nordover i landet.

Unik håper dei får inn tips som fører til at bilen blir funnen. Samtidig må dei førebu seg på å rigga opp ein annan servicebil så dei kjem seg ut i felten.

– Vi hadde håpa at bilen skulle dukka opp rimeleg snart, men vi har ikkje høyrd noko sidan søndag. Den andre bilen var heldigvis uskadd. Kva som har skjedd med denne, om den er parkert i Bergen, har kome seg usett ut bompengeringen eller har hamna om bord i Danmarksbåten, er høgst uklart.

Tips kan rettast til politiet på 02800 eller til eigar på 56565560 eller mobil 93222677/92035772.