Strålande arbeid med Os Idrettspark

Bildeserie:

1 av 7

Bygginga av Os Idrettspark har gått i rekordfart - fram til behovet for opphaldsvêr kom.

Les òg: Gras søker sol

Men i førre veke blei sportsdekke lagt på det asfalterte friidrettsområdet, og i helga har dekket fått farge.

– Arbeidet starta fredag og dei skal vera ferdige seinast tysdag, fortel dagleg leiar i Os Turn, Hans Parnefält.

Torsdag kjem kunstgraset

Kunstgraset kan ikkje leggast før friidrettsbanen er ferdig spraymala, for då vil kantane på graset bli raudt.

– Kunstgraset kjem torsdag 25. juni og blir lagt så snart som mogleg. Vi håper på fint vêr også i vekene som kjem.

I førre veke blei den gamle fotballkiosken plassert ved kastfeltet, her har det også kome forskaling til brakkene som skal bli lager og klubbhus for brukarane av Os Idrettspark.

Brakkene er kjøpt av Vestafjell og har det siste året vore brukt som midlertidige klasserom på Lysekloster.