Styrka skulekjøkkenet med meir næring

Gry Knarvik, Linda Torill Lind og Siw Bugge Gjerdevik Kolstad underviser i mat og helse ved Nore Neset ungdomsskule. Nyleg fekk dei riksdekkane merksemd for måten dei har lagt om fokus på skulekjøkkenet.

«Når du underviser i mat og helse, men budskapet kjennes som et overtramp, hva gjør du da?» skriv kostnytt.no.

Midtsiden besøkte skulen på fredag, og då sto fiskewok med kokos og ingefær på menyen. Sukker, margarin, kveitemjøl og andre tomme kaloriar er skifta ut med andre råvarer.

– Mat handlar om smak og glede, men òg om å få kroppen til å fungera optimalt. Normalt, normalt norsk kosthald er altfor fattig på næringsstoff, seier Siw Bugge Gjerdevik Kolstad.

• Ho viser òg til eit innlegg i Aftenposten: «Dagens mat- og helsefag tilhører fortiden»

– Vi har ikkje berre fokus på smak og næring. Vi har sjølvsagt tatt med alle kompetansemåla i årsplanen vår i faget. Vi meiner vi held mål, med blant anna fleire leksjonar med vegtarmat gjennom året, og om det som handlar om å vera ein etisk og bærekraftig forbrukar. Elevane våre veit at kjøttproduksjonen forureinar meir enn all bilkjøring.

(Då Midtsiden var på besøk hadde elevane i utgangspunktet praktisk prøve, altså inga rettleiing utover det heilt nødvendige. Med kamera rundt seg blei det eit litt anna fokus for både elevar og lærarar, og den praktiske prøven blir tatt på nytt seinare, opplyser lærarane).