Politi | 17. juni 2023
Sykkeluhell på Moberg
Ramla over autovern natt til laurdag.
Kjetil Vasby Bruarøylaurdag 17. juni 2023 10:23
Natt til laurdag, mellom klokka 01 og 02, fekk politiet melding om eit sykkeluhell.
– Ein gut i tenåra hadde køyrd utfor vegen og ramla over eit autovern, opplyser vakthavande ved Bjørnafjorden politistasjon.
Uhellet skjedde i rundkøyringa på Moberg, altså omtrent på tomtegrensa til blålysetatane.
Ambulanse, legebil og politi rykte ut.
– Årsaka til uhellet skal ha vore at han svingte unna eit dyr.
Skadeomfang er ikkje notert i loggen, og ukjent for politiet. Det er heller ikkje oppretta sak.
