Dei siste vekene har politiet hatt fleire promillekontrollar på Halhjem ferjekai.
Også måndag morgon var dei på plass, også denne dagen var det lite å reagera på.
Kontrollen gav utslag på éin bilførar, ein mann i 50-åra.
– Det er snakk om lågpromille og vi har oppretta sak, men det er ikkje tatt beslag i førarkortet, opplyser politioverbetjent Christine Jansen Grindstein.
Kontrollen varte frå klokka 08.50 til 09.45. 46 trafikantar blei kontrollerte.
Sjølv om Statens vegvesen har fått seg ny kontrollplass i Kolskogen langs ny E39, har dei ikkje gløymt Byvegen eller Hjellemarka.
I går var det kontroll på plassen, og dei fann litt å reagera på.
![Kontroll av diesel. (Foto: Statens vegvesen)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F743cb5ac6de02a272d59bcfe04d78183222a1312-1800x1200.jpg%3Frect%3D0%2C60%2C1800%2C1080%26w%3D752%26h%3D451%26q%3D100%26dpr%3D2&w=3840&q=75)
– Vi hadde fokus på dieselprøvar, teknisk og lys, skriv Birger Lønne i rapporten frå kontrollen.
Det blei skrive ut to bilbeltegebyr og fem køyretøy fekk skriftlege manglar.
Eitt køyretøy hadde feil mengde sitjeplassar i forhold til kva som står i vognkortet.
![Dei som ikkje hadde tatt på tryggleikslenka hekta den på og fekk køyra vidare. (Foto: Statens vegvesen)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F17774ebe37f3fde57d2857f508afd37c7703b9c3-4624x3468.jpg%3Frect%3D0%2C348%2C4624%2C2773%26w%3D752%26h%3D451%26q%3D100%26dpr%3D2&w=3840&q=75)
To køyretøy med hengar fekk begge køyreforbod grunna manglande tryggleikslenke.
Dette blei ordna på staden, og dei fekk køyra vidare.