Tilbake til skulen måndag eller fredag?
Sjå oversikt: Ulike dagar per trinn og skule.
I går fortalte regjeringa at elevar i 5. til 10. trinn, og i vidaregåande skule, skal tilbake til skulen i løpet av veke 20, altså neste veke.
Samtidig fortalte fagsjef i Bjørnafjorden kommune, Per Olav Sørås, at ikkje alle låg an til å få skulestart måndag 11. mai.
Etter dialog med rektorane ved alle dei 17 grunnskulane i Bjørnafjorden i formiddag har kommunen konkludert.
– Vi hadde lagt opp til skulestart for 7. trinn måndag, mogleg òg for 10. trinn, men no blir det 7. trinn måndag og 10. trinn tysdag, seier Sørås.
Framleis litt heimeskule
Samtidig har kvar skule, ut frå eige areal og ressursar, stått fritt til å planlegga veka si sjølv.
– Det er viktig at alle får med seg meldingar og informasjon frå sin skule, ikkje berre kor tid dei har første dag, men kor lange dagar det blir, og om enkelte dagar blir med heimeskule, seier Sørås.
Elevane i 1. til 4. trinn, som var tilbake på skulane måndag 27. april, held fram som før, men fleire av dei eldre trinna ved fleire av skulane kan få enkelte dagar heime, kortare dagar på skulen eller begge delar.
Etterlengta Os Aktiv
– Os Aktiv er godt på overtid, har du fått dato for kor tid dei to klasseromma og gymsalen ved Os ungdomsskule kan takast i bruk?
– Nei, men vi undersøker om noko av dette kan framskyndast.
Bjørnafjorden kommune la klokka 14.10 i dag ut denne oversikta over første dag tilbake på skulen:
Lysekloster barneskule
Måndag 11. mai: 7. trinn
Tysdag 12. mai: 5. trinn
Onsdag 13. mai: 6. trinn
Nore Fusa skule
Måndag 11. mai: 7. trinn
Onsdag 13. mai: 5. og 6. trinn
Nore Neset barneskule
Måndag 11. mai: 7. trinn
Onsdag 13. mai: 5. og 6. trinn
Nore Neset ungdomsskule
Tysdag 12. mai: 10. trinn
Onsdag 13. mai: 9. trinn
Fredag 15. mai: 8. trinn
Os barneskule
Måndag 11. mai: 7. trinn
Onsdag 13. mai: 5. og 6. trinn
Os ungdomsskule
Tysdag 12. mai: 10. trinn
Onsdag 13. mai: 9. trinn
Fredag 15. mai: 8. trinn
Strøno barneskule
Måndag 11. mai: 5., 6. og 7. trinn
Søfteland barneskule
Måndag 11. mai: 7. trinn
Onsdag 13. mai: 6. trinn
Fredag 15. mai: 5. trinn
Søre Fusa skule
Måndag 11. mai: 5., 6. og 7. trinn
Søre Øyane barneskule
Måndag 11. mai: 7. trinn
Onsdag 13. mai: 6. trinn
Fredag 15. mai: 5. trinn
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.