Kultur | 15. sep. 2022

Tildelt midlar til kultur for eldre

Berre Bergen og Alver får meir enn Bjørnafjorden.

Oseanasalen under eit eldretreff i 2015. (Ill. foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 15. sep. 2022 08:34

– Vi skal legge til rette for at eldre i Vestland skal få oppleve profesjonell kunst og kultur, seier utvalsleiar Stian Davies i ei pressemelding etter at hovudutval for kultur, idrett og inkludering har vedteke å løyve i underkant av fire millionar kroner til den kulturelle spaserstokken.

Hovudutvalet fordelar pengane på 38 av dei 43 kommunane i fylket. Fem kommunar søkte ikkje om pengar.

Bjørnafjorden kommune får 159.660 kroner.

Bergen og Alver får mest, med 1.191.425 og 184.066 kroner, Fedje får minst, med 6.000 kroner.

– Målet er å bidra til kunst- og kulturformidling for eldre i eit samarbeid mellom kultursektoren og helse- og omsorgssektoren i kommunane. Slik kan gode kunst- og kulturprosjekt for eldre lokalt bli utvikla innanfor eit mangfald av sjangrar og uttrykk.

Kulturtilbod av høg kvalitet

Sidan 2014 har fylkeskommunen kvart år tildelt pengar til den kulturelle spaserstokken.

– Spaserstokken skal legge til rette for auka samarbeid mellom kultur- og omsorgssektoren. Alle kommunar kan søkje og vel sjølv korleis dei vil organisere tilbodet.

– Men det er eit krav at pengane skal nyttast til kulturtilbod av høg kvalitet og vere tilgjengeleg på arenaer der eldre har sitt daglege liv, seier utvalsleiar Stian Davies.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.