Kultur | 22. feb. 2024

Tips til vinterferie i siste liten

Sjølv om ein ikkje har planlagt vinterferien enno, er det mange høve til ein aktiv ferie utandørs. DNT har hytter som er opne heile året.

Tips til vinterferie i siste liten
Det er mange høve for dei som vil ha vinterferie i siste liten. (Arkivfoto: Susann Haukeland Børnes)
Susann Haukeland Børnes
Susann Haukeland Børnestorsdag 22. feb. 2024 13:10

Skulane si vinterferie i vekene 8 og 9 tyder pause frå kvardagens aktivitetar og ledig tid for mange skuleelevar.

Samstundes må mange foreldre jobba, og dyrtid får konsekvensar for ferieplanar. Langt frå alle reiser bort i vinterferien, viser tal frå NHO reiseliv.

Den Norske Turistforening (DNT) har råd til dei som ikkje har planlagt vinterferie enno eller skal bli heime.

– Det er ikkje for seint å planlegga ein liten tur! Fleire av DNTs betente hytter i fjellet er opne, vi har enklare ubetente hytter nært byane og dessutan er naturen alltid open og gratis, seier Kristin Oftedal, fagsjef for barn og unge i DNT.

Ho understrekar at ein ikkje treng å reisa langt eller bruka mykje pengar for å få vinterferiefølelsen.

– Bruk fridagane til å finna på noko gøy ute. Kva med aking, å grava ein snøhole eller ta middagen med ein eventyrstund under stjernene? Dei aller fleste barn synes det er gøy når dei vaksne blir med på leiken. Så engasjerer du deg, vil også dei ha lyst til å vera ute, er rådet frå Oftedal.

DNTs sju tips til vinterferie på sparket:

  • Ta ein spontan hyttetur. DNT har over 580 hytter over heile landet, mange av dei ligg like i nærleiken av byar og tettstader. Ei overnatting er nok til å skapa minner for livet: Kva med ei natt på ei lita koseleg koie i skogen, eller eit fyr ute i havgapet?
  • Vintereventyr på ei betent hytte: Om du vil ha maten servert og koma til oppvarma hytte, er dei betente DNT-hyttene eit godt alternativ. Fleire av hyttene har aktivitetar for barn i vinterferien. Å spela spel i peisestova om kvelden er veldig koseleg.
  • Dra på båltur. Mat smakar ekstra godt ute i naturen, og kan gjerast uansett om du har fri eller ikkje! Kvifor ikkje ein søndags- mandags- eller lørdagsmiddag i det fri? Rundt flammene kjem gode samtalar og ein senkar skuldrene.
  • Skitur. Om det er snø der du bur, kan du ta med deg familien, venner eller dra aleine. I skisporet går kilometrane fort.
  • Akekonkurranse eller vinteraktivitetsdag. Ta med venner og familie ut i naturen, om det er snø kan de ake eller bygga snøhuler, om det er bart kan de klatra, leika, ha turbingo eller “boksen går”.
  • Måneskinnstur. Den 24. februar er det både vinterferie, helg og fullmåne, så bruk dagen til å gå på måneskinnstur. Om det er klarvêr treng ein ikkje hovudlykt, og lyset frå månen gir ein trolsk stemning og uforgløymeleg naturoppleving.
  • Ta med barna på planlegginga og la det vera ein del av opplevinga, anten de skal finna ei hytte eller eit dagsturmål.

Dersom du lurer skal gå ein ny tur, kan det vera lurt å undersøka turen før du tar beina fatt.

ut.no finn du gode skildringar både av både tur, terreng og tid.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.