Tok poeng i serieopninga

Lysekloster hadde i går seriestart borte mot Vidar i Stavanger.

Dei to hadde begge ein skuffande sesong i haust, og landa på 9. og 8. plass i kvar si avdeling i Norsk Tipping-ligaen.

– Vidar har styrka seg veldig i vinter, og blant anna fått inn tre spelarar som var sentrale på Egersund, som kom på 3. plass i 2. divisjon i fjor, fortel Lysekloster-trenar Ruben Hetlevik.

VG sin fotballekspert Joacim Jonsson spådde fredag utgangen av årets sesong i dei ulike avdelingane i Norsk Tipping-ligaen. I avdeling 3 held han nettopp Lysekloster og Vidar, saman med Fana, som favorittar.

Kampen i går blei jamn.

Vidar - Lysekloster 0-0

Lysekloster: Vitalijs Melnicenko - Keith Groeneveld, Toni Takamäki, Håvar Kleppe - Erik Krohnstad, Håvard Rinde, Aboubacar Conde, Lionel Kamanzi, Tobias Heltne Alme - Fiton Durguti og Mikael Andersen Baisotti

Innbytarar med speletid: Håkon Brautaset og Ole Kallevåg

– Eg synest vi klarte oss bra mot eit lag som er spådd å kjempa i toppen, eit godt og svært fysisk sterkt lag.

– Det var nok også ein spennande og underhaldande kampå å sjå, med høgt tempo, bra temperatur og mange store målsjansar.

– Kva var Lysekloster sine største sjansar?

– Vi hadde fleire store, men den største var nok då Erik Krohnstad drog av forsvaret til Vidar, keeper allereie låg på ræv, og så klinte han ballen i tverrligger.

Lysekloster speler neste kamp på heimebane. Den går mot Djerv 1919 andre påskedag med avspark kl 16.00.

• Terminliste og tabell på fotball.no

Resultat frå dei andre kampane i same avdeling i går:
Bjarg - Stord 4-1
Bremnes - Sandnes Ulf 2 4-2
Brodd - Åkra 3-1