Turistar nekta å sløkka bål

Måndag kveld i 22.50-tida blei politiet kontakta grunna bål på ein parkeringsplass.

Nokre turistar hadde fått lov av Os Båtklubb å stå på deira parkeringsplass ved anlegget i Vargavågen, men dei tente bål og skal ha nekta å sløkka dette.

– Då patruljen kom fram etterkom dei dette pålegget. Dei forklarte at dei ikkje var klar over bålforbodet, opplyser politioverbetjent Anne Lyssand.

I 17-tida tysdag ettermiddag blei politiet tipsa om eit køyretøy som køyrde vinglete og ikkje følgde alle reglar.

Ein patrulja stoppa den aktuelle bilen på Helhjem ferjekai. Bilførar, ein mann i 40-åra, bles til null promille. Han kjente seg ikkje igjen i skildringa avkøyremønsteret og blei bedd om å køyra fint vidare.

Tysdag formiddag fekk politiet melding om funnen kajakk. Den blei funnen på rek for to veker sidan, og har blant anna vore annonsert på Facebook.

Om du saknar ein oransje kajakk kan du kontakta politiet.