Ungar gjekk på noko som såg ut til å vera utrygg is
Brannvesenet rykte ut for å sjekka forholda og isen.
Politiet mottok i går ei bekymringsmelding.
I går ettermiddag var det fleire små barn på isen, noko som fekk mannen til å reagera.
Mannen hadde passert Ulvenvatnet og observert små ungar på eit område på Ulvenvatnet som såg utrygt ut.
– Isen blei kontrollert av brannvesenet, opplyser politioverbetjent Anne Lyssand.
Brannvesenet kunne konstantera at isen var farbar på staden.
Det står ikkje spesifisert kvar på Ulvenvatnet ungane var, men brannvesenet og andre som har testa isen, har fleire gongar presisert at områda nær Mobergsbrua har straum og ofte tynnare is.
På Banktjørn måndag kveld møtte vi ein mann som fortalte at han søndag hadde hindra ein utanlandsk småbarnsfamilie å gå nettopp mot brua.
– Vi sto saman på Moberg-sida, brått var dei vekke. Då eg såg at dei var på veg mot brua, gav eg gass etter dei, fortel han.
