Uskadd etter utforkøyring

Onsdag klokka 17.41 fekk politiet melding om utforkøyring på Lyseklostervegen.

Det viste seg at uhellet hadde skjedd på Os-sida av Ole Bulls veg, i svingane opp til Søvikåsen.

Meldinga gjekk ut på at det var ingen ved bilen, men då politiet kom fram var bilførar på staden.

Bildeserie:

1 av 2

– Eg fekk sleng på bilen og var utom grøfta på venstresida før eg hamna utfor høgre side av vegen, fortel bilførar til Midtsiden.

Vedkomande, ein mann i 20-åra frå Os, var uskadd etter uhellet. Airbag var utløyst.

– Vi ser det er noko søl i vegbanen, og det kan ha vore medverkande årsak. Det blir oppretta sak, seier politioverbetjent Christine Grindstein.

Trafikken gjekk som normalt på staden. Bergingsbil var på plass.

Det har vore ei rekkje utforkøyringa på Ole Bulls veg dei siste åra, i hovudsak på vinterføre, men også på snø- og isfri veg.