Utforkøyring og rotvelt over veg
Årets første snø skapte problem fleire stadar.
Måndag ettermiddag byrja snøen å legga seg på vegane i Os.
Ein lastebil hamna i grøfta på Hegglandsdalsvegen, samtidig gjekk ettermiddagstrafikken i rykk og napp over Fanafjellet.
– I 16.30-tida fekk vi melding om utforkøyring på Ulven. Ein bil på veg frå Lysefjorden mot Os køyrde i autovernet litt før porten til Uleven leir, fortel politioverbetjent Anne Lyssand.
Det va ingen personskade, men bilen var skadd i fronten. Bilførar, ein mann i 50-åra, hadde sjølv kontakta bergingsselskap. Han blei kontrollert av politiet, og var edru.
– Bilen sto heller ikkje til hinder for trafikken før den blei berga.
Det snødde tungt også seinare på kvelden, og Midtsiden-redaksjonen fekk fleire meldingar om vanskelege køyreforhold.
Lastebil sto i vegen for trygg aking
Politiet blei kontakta på ettermiddagen i går, grunna ein lastebil som sto feilparkert i Varåsen.
– Lastebilen sto sånn til at ungar som aka i området måtte ut i bilvegen. Bilførar blei kontakta med beskjed om å parkera ein annan stad.
Tre over vegen i Mobergslio
I natt blei politiet kontakta av ein bilist som fortalte om rotvelta tre over vegen i Mobergslio.
– Meldar har ein liten bil, og kom seg forbi, men sa at andre neppe ville klara å passera. Brannvesenet rykte ut klokka 02.30 for å fjerna treet.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.