Politi | 11. juli 2023
Vaken på Søfteland - sovande på Esso
Politiet fortel om to oppdrag måndag.
Kjetil Vasby Bruarøytysdag 11. juli 2023 09:25
Måndag fekk politiet klage på høg musikk i eit nabolag på Søfteland.
Det er uvisst om det uroa søvnen til nokon, då klagen kom i 13.30-tida, men det skal ha vore eit gjentakande problem på adressa.
Politiet gjorde fleire forsøk på å få kontakt med eigar av huset der den høge musikken kom frå, men utan å lykkast.
I 19-tida måndag fekk politiet melding om ein mann som låg og søv utanfor Esso i Os sentrum.
Politiet gav oppdraget vidare til helsevesenet. Dei hadde ikkje ledig ambulanse med det same, men skulle senda ein bil så snart dei kunne.