I går formiddag fortalte politiet at det i løpet av helga blei oppdaga innbrot og hærverk på nedlagte Hegglandsdalen barneskule.
I løpet av dagen var dei og undersøkte åstaden.
– Det var fleire knuste ruter, tagging og mykje boss på staden, fortel politioverbetjent Anne Lyssand.
![Sånn ser det ut i Hegglandsdalen barneskule. (Foto: Bjørnafjorden kommune)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F91653eec5f6556ae4df25fcef1b600e57ffc7773-1800x1200.jpg%3Frect%3D0%2C60%2C1800%2C1080%26w%3D752%26h%3D451%26q%3D100%26dpr%3D2&w=3840&q=75)
Også eit pulverapparat var tømt i bygget.
– Vi har i utgangspunktet bestemt oss for å fjerna pulverapparat frå bygg som står ubrukte, seier leiar for drift av kommunal eigedom, Dag Søfteland.
– Men her var det dessverre eitt som sto igjen.
I fjor var det blant anna hærverk og bruk av pulverapparat i Fjellheim.
– Patruljen snakka med nokon på staden. Dei sa at hærverket skjedde for to veker sidan.
Eit hestebeite var også opna. Politiet lukka det og varsla eigar, som sette pris på å få beskjed.
I tillegg blei det litt før klokka 20 i går funne ein hund i Smiebakken.
– Innringar kunne ikkje ha huinden heime lenge, for den gjekk ikkje godt i lag med katten vedkomande hadde. Dermed blei hunden levert til Viking.