Var redd for at festflåte skulle slita seg

Onsdag i 14-tida fekk politiet melding om ein festflåte som såg ut til å vera dårleg fortøydd.

– Den låg på Balandsneset på Drange. Meldar var redd den skulle slita seg, då vinden var sterk og fortøyinga såg tynn ut, fortel politioverbetjent Anne Lyssand.

Flåten var innreidd med sitjegruppe og utstyrt med påhengsmotor og grill.

Politiet sendte oppdraget over til brannvesenet, som har eigen båt.

– Vi fekk kontakt med eigar, som skulle ordna det sjølv, seier brannsjef Eivind Hovden.

Les ògDraumesankthans - og tryggleiksreglane får du på rim

– Korleis var resten av sankthansaftan for brannvesenet?

– Stille og roleg.

– Det einaste vi var ute på om kvelden var eit bål som nokon hadde gått i frå i Kuvågen. Området var ryddig og fint, men bålet var ikkje godt nok sløkt.