Fyrverkeri i Os hamn 2019

Vellykka fyrverkeri i nyttårsvinden

Med 16 høgttalarar rundt heile hamna, og rikeleg med krut, blei det musikk, drønn og imponerande lysglimt over Os hamn i kveld.

image
image
image
image
image
image
image
image
image
image
Av: Kjetil Vasby Bruarøy

Etter kuling med storm i kasta nyttårsaftan og på formiddag første nyttårsdag var det uvisst om tradisjonen med felles fyrverkeri i Os hamn ville bli halden ved like.

Men Os kommune og leverandør ProPyro stolte på vêrmelding frå Storm framfor Yr, og førebudde seg som om vinden skulle løya.

Med gunstig vindretning ut frå land, og ein vindstyrke som var noko redusert, kunne ProPyro fyra av årets store dose.

Nytt i år var musikkfyrverkeri - der Os Rockeklubb og Oseana stilte opp med mannskap og utstyr for å spela Aurora-låten «Running with the Wolves» mens første del blei skoten i lufta.

I alt 16 høgttalarar var rigga opp på begge sider av hamna, tilkopla FM-nett fungerte lydopplegget godt.

Mange hundre møtte fram og fekk med seg 3 + 4 minutt med lysande inngang på 2019.

Oppskytinga blei noko forseinka, men ordførar Terje Søviknes tok ordet klokka 18.05, heldt ein tale om både ting som skjer i 2019, om kommunesamanslåing frå 1. januar 2020 - og om det å ta vare på kvarandre i året som kjem.

I bildeserien over ser du glimt av årets fyrverkerkeri.

Fleire saker