– Vi hadde nok å ta tak i

Statens vegvesen hadde både kontroll på plassen ved Svegatjørn, òg ein streifkontroll i Os i dag.

Begge førte til ei rekkje reaksjonar.

– Totalt sett hadde vi nok å ta tak i på Os i dag, skriv Knut Namtvedt Sylta frå vegvesenet i rapport frå dagen.

Resultat frå Svegatjørn

Køyretøy med skriftlege manglar: 12
Brot på køyre- og kviletid: 11
Bruksforbod: 8
Sendte rapportar: 4
Meldt til politiet: 2
Andre gebyr: 2
ADR-køyretøy med brot: 1

Dei to som blei meldte var grunna mangel på sjåførkort i fartsskrivaren og manglande kalibrering av fartsskrivar (2-årskontoll).

Det var også ein som blei meldt for ikkje å inneha transportløyve ved utførelse av løyvepliktig transport.

Resultat frå streifkontroll i Os

• 7 åtvaringar for mindre brot på køyre og kviletid
• 5 bruksforbod
• 2 rapportar til løyvekontoret for manglande løyve og leige/leasingavtale

Politiet fortel i dag at dei hadde fartskontroll på Hegglandsdalsvegen i går.

Kontrollen var i ei 50-sone i 12.30-tida. Patruljen fann ikkje noko å reagera på.