Violet Road til Osfest
Dei har fått eit stykke av E6 oppkalla etter seg, band nr 2 som er klare for festivalen neste år.
Fredag for tre veker sidan sleppte Osfest første artist til festivalen i 2019, Sondre Justad speler i Os fredag 9. august, frå klokka 21.
I dag serverer dei nok eit band; Violet Road speler på Osfest laurdag 10. august.
– Violet Road har gjort stor suksess i Noreg dei siste åra. Vi er glade for å kunna tilby eit band som eg vil seia er av internasjonalt kaliber, seier festivalsjef Tor Egil Hylland.
Dei har for alvor gjort seg kjent for det norske folk med låta «Monument», som er lista på P1 og som er løfta opp av Spotify i både inn-og utland. Den pryda òg NSB sin store reklamekampanje i fjor vinter.
Tre brør og ein frontfigur
Violet Road kjem frå Nord-Noreg og består av brørne Håkon, Hogne og Halvard Rundberg frå Kåfjord i Troms, og Kjetil Holmstad-Solberg frå Andøya i Nordland.
Bandet, som har fått eit stykke av E6 oppkalla etter seg, gav ut sitt første album i 2008 og sitt sjette i september 2018.
Første musikkvideo, til låten «Can You Hear the Morning Singing», blei regissert av Nils Gaup i 2011.
Førre album «Lines across light» blei produsert av stjerneprodusent Joel Hamilton, som er nominert for Grammy fire gongar for sitt arbeid med Elvis Costello, Tom Waits, The Black Keys og Iggy Pop.
Eit ettertrakta liveband
Popbandet har med sin store musikalitet og smittsame humør sjarmert seg inn i mange nordmenns hjarte dei siste åra.
– Der desse gutane dukkar opp blir det fest!
Bandet, som spelte i Oseana i haust, startar 2019 i Operaen. Laurdag 10. august entrar dei scenen på Osfest.
• Midtsiden samleside: Osfest
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.