Årets poker run kjem ikkje til Os

Fleire osingar har denne sommaren deltatt i fleire poker run, Anders Arefjord utan eigen båt. Førre helg var det i Haugesund, i morgon er det tid for Bergen Poker Run, som i år er del av West Powerboat Week.

I 2010 var første år poker run gjekk innaskjers innom Os (sjå bildeserie frå 2010), sidan har konvoien med raske båtar vore fast innslag på Vedholmen Landhandel og, fleire år, innom Hauglandssjøen og Halhjem.

• Her kan du sjå bildeserie og video frå Bergen Poker Run 2019

Men i år er ruta lagt nordover.

Det har vore snakk om å endra ruta fleire år, og det var på førehand varsla at det ville koma litt større endringar før ruta blei endeleg kjent.

Det er som vanleg start i Bergen sentrum, turen går vidare til Fedje, Feste, Solholmen og Valestrandfossen.

Om du tar bil eller båt til Bergen eller lengre nord i morgon, sånn er programmet:

09.00: Frukost i Vågen
10.30: Førarmøte
11.00: Avreise
11.15: Fly-by-takeover utanfor Sandviken
12.00*: Samling på Fedje
12.45*: Samling på Feste
13.00: Lunsjparty på Solholmen
16.30: Samling i Valestrandsfossen
17.00: Fartsetappe på Byfjorden
17.15: Samling over Sandviksflaket før kortesje i Vågen
18.00: Enkel bespising, kortbord og premieutdeling