Fredag var det skulefri, men tilbod om aktivitet i Os Handball. Det var det mange som slo til.

– Mengda deltakarar har halde seg stabilt bra. Denne gong kom det 65 handballgutar, seier dagleg leiar Christian Bugge.

– Ofte er vi pleine om aktivitetstilbod på planleggingsdagen i november, denne gong var det nokre fotballaktivitetar òg. Fleire av spelarane deltar i begge idrettar, derfor er det ekstra kjekt med så bra oppmøte denne gong.

Deltakarane kom frå fleire krinsar i Os.

– Det gror godt i Osbygda. Os, Søre Neset og Nore Neset har gutelag i alle årstrinn, frå senior til gutar 16, gutar 14 og nedover i barneskulealder.

Spelarane blir fredag delt i tre grupper etter alder.

– Det var flest av dei yngste, men ganske bra fordelt mellom gruppene.

Os Turn si handballgruppe stilte med eigne ungdomar som instruktar for dei yngste.

Mellomtrinnet fekk tre NTG-elevar, spelarar frå Gneist, Fana og Olav Groth-Bugge frå Os – elevar av tidlegare Os-trenar og -spelar Erlend Lyssand.

Eldste trinn fekk osingen Tormod Igland Lund frå Bergen Håndball (Elkjøp-ligaen) som hovudtrenar.

– Vi merka at fleire av ungdomane var gira, det kom mange spørsmål om kven han har spelt mot, fortel Bugge.

I pausen var det fiskeburger og bingo