I samband med kongens bortgang vil det blir klemta (ringt) med kyrkjeklokkene klokka 12 i dag. Det gjeld alle kyrkjene i Bjørnafjorden.

I Os kyrkje vil det vera open kyrkje fredag frå klokka 10 til 12 og frå klokka 15 til 18.

– Opphaldet imellom er grunna bisetjing, seier Sigurd Rotvik Tunestveit, dagleg leiar i Os sokn.

Os kyrkje vil òg halde ope laurdag frå klokka 15 til 18 og søndag frå klokka 13 til 16.

– I Fusa kyrkje vil det vera open kyrkje i fredag og laurdag frå 15 til 18. Søndag blir det markering i samband med gudstenestene i Strandvik kyrkje klokka 11 og Sævareid kapell klokka 16.30, seier Hans Einar Markhus, dagleg leiar i Fusa sokn.

Forsvaret sine saluttstasjonar, inkludert Bergenhus festning, avfyrer sørgesalutt klokka 12 i dag.

Sørgesalutten består av 21 skudd med 30 sekund pause mellom kvart skot.