Ausekarane har klappa til kai

Ausekarane kom i ettermiddag til kai i Os hamn med ferja MS «Sjøscenen».

Om bord er blant andre Bjørn Jensen, mens kompanjongen Tor Endresen slappar av på hytta på Ytterøy.

– Vi må kvila mens vi kan. Programmet har vore veldig tett, men svært kjekt, seier Endresen til Midtsiden.

– Det har ikkje dryppa noko støtte på denne turneen, så vi køyrer på med to show per stad. Då får vi spelt for mange sjølv om vi held ein viss pandemiavstand om bord.

Etter 36 show på 21 dagar blir det i kveld to konsertar mens ferja ligg til land i Os hamn.

– Dethar vore fullt hus fleire stadar! Den første i Os er nesten utselt, den andre har vi selt over halvparten av billettane til, fortel Tor.

I tillegg spelte Ausekarane i Øyane tidlegare på turneen.

– Og de har overskot til å spela vidare?

– Du kan jo spørja Bjørn, han er om bord, seier Tor.