Busstreiken avverga

Partane mekla 14 timar på overtid.

Den varsla busstreiken vart avverga etter mekling på overtid. (Ill.foto: KVB)
Kjetil Osablod Grønvigh
Kjetil Osablod Grønvighmandag 12. apr. 2021 11:05

Før helga kunne Skyss melda at det ville bli nær full stopp i alle busstrafikk i Vestland frå søndag av, om ikkje forhandlingane mellom LO, YS og NHO førte fram.

Partane i konflikten skulle i helga møtast hos Riksmeklaren med frist ved midnatt natt til søndag 11. april.

Oppgjeret det vart forhandla om omfatta over 190.000 arbeidstakarar i heile landet.

I september i fjor var det busstreik - då var på det meste 8.500 bussjåførar tekne ut i streik.

Landa avtale 14 timar på overtid

Søndag morgon heldt forhandlingane fram, men etter 14 timar på overtid vart det meldt om semje mellom partane.

Partane var einige om ei økonomisk ramme på 2,7 prosent.

E24 skriv at for ein person med industriarbeidarløn på 506.100 kroner, betyr ramma ein gjennomsnittleg lønsauke på 13.665 kroner.

Har du derimot 400.000 kroner i årsløn vil lønsoppgjeret gje ein lønsauke på 10.800 kroner. Er løna på éin million kroner blir lønsveksten på 27.000 kroner. Desse tala er basert på eit snitt av løningane.

I kroner og øre gir oppgjeret eit generelt tillegg til alle på 2,25 kroner, eller i underkant av 4.400 kroner i året.

Du kan lesa meir om lønsoppgjeret på NHO sine nettsider.

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.