– Dei ser køen frå krysset, og vel feil veg

Trafikken frå Bergen til Os ligg fredag ettermiddag an til å tetta seg til enkelte stadar.

– Eg kom ned frå idrettsplassen og så kø heile vegen opp Ole Bulls veg over Søvikåsen retning Os, fortel Bjørn Kollen.

– Dei har nok kome frå Fanafjellet i krysset ved Pøylo og sett litt kø på Lyseklostervegen, men den er nok den beste å velja, for Ole Bulls veg er smal, og det er langt ifrå alle som er like flinke å rygga, legg han til.

Ifølgje Google Maps si trafikkovervaking er det noko kø i starten på klatringa til Fanafjellet frå bysida, men grei flyt resten, og heller ikkje så gale gjennom Lyseklostervegen, med unntak av noko stilleståande ved kloster-ruinane.

Oppdatert: Ein lastebil står fast i starten på Fanafjellet. På Trafikkmelding Fanafjell er det bilde av bilen og oppmoding om å køyra E39.

Ved UnoX på Byvegen har det foreløpig ikkje byrja å bygga seg opp kø mot Hetleflåten, slik det ofte gjer.

Fleire gongar dei siste vekene, etter at Hamreveien blei stengt. og delvis grunna vegarbeid på Vallaheiane, har det vore kø både morgonar og kveld mellom Os og Bergen.

Nye E39 opnar måndag 31. oktober.