Dødsbra debut på Tysnes

4 av 23 deltakarar er frå Os - alle kom til finalen.

image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Ny aktivitet under årets Tysnesfest er dødsing, og fleire hundre tilskodarar samla seg i dag rundt veteranbåten MS Sunnhordland for å sjå første versjon av Døds Challange Tysnes.

– Eg er veldig glad for initiativet til Tysnesfest, og for måten dei gjennomførte det på. Vi deltakarar fekk akkurat det vi ba om, fasilitetane var unike, og det å få hoppa frå ein veteranbåt var verkeleg noko for seg sjølv, seier Arne Veim Haugland.

Rampen som var bygd på MS Sunnhordland var 11-12 meter over vasskorpa!

Finland, Sverige og Spania var representerte, blant desse regjerande verdsmeister i kvinneklassen, Miriam Hamberg frå Sverige. Verdsmeister Emil Lybekk var sjuk og måtte stå over.

Fire deltakarar frå Os

Men dei fleste av deltakarane er norske, og mange av dei er lokale våghalsar.

Dei erfarne dødsarane Arne Veim Haugland og Andreas Olsen, som varma opp i Øyane onsdag, fekk selskap av to yngre og ferskare dødsarar frå Os, Thomas Vivås Håvardstun og Lasse Styrvoll.

– Thomas og Lasse imponerte meg verkeleg, seier Arne, som sjølv tok 3. plass i VM i fjor.

Alle dei fire frå Os var blant dei 16 som tok seg til semifinale og blant dei 10 som stupte i finalen.

I videoen over ser du dei fleste stupa - og alle finalestupa.

Finsk siger

I juryen sat ordførar i Tysnes, Kåre Martin Kleppe, Morten Lyssand Lunde og Prebz.

Finske Werner, som leia etter semifinalen, stupte sist og vann finalen.

– Han har ikkje gode VM-resultat bak seg, men tok 2. plass i Stockholm, fortel Arne, som sjølv landa på 2. plass.

1. plass: Werner Grön (Finland)
2. plass: Arne Veim Haugland 
3. plass: Andreas Hamberg (Sverige)
4. plass Andreas Olsen 

Lasse Styrvoll og Thomas V. Håvardstun kom på 7. og 8. plass i debuten.

– Vi deltakarar har snakka om det etterpå, dette er vi med på neste sommar òg, om Tysnesfest vil ha oss tilbake.

– Arrangementet og publikum var heilt fantastiske, synest Veim Haugland.

Fleire saker