Ei god sommarveke startar i morgon!

Vêret er i ferd med å gå frå 17 gradar og litt kald nordavind til 23 gradar og knappe 3 m/s i vindstyrke.

Torsdag er det meldt skyfri himmel og 20 gradar.

Fredag og laurdag er det venta 22 gradar, frå søndag og utover i veka skal gradestokken ligga på 23 varmegradar.

Det er Yr som melder sommarvarmen, Storm nøyer seg med 15 til 17 gradar. Yr plar treffa best på temperaturane i Os, Storm plar treffa best på skydekke og nedbør.

Det er ikkje meldt nedbør så langt langtidsvarselet strekk seg, til og med torsdag neste veke, men Storm melder overskya fredag og søndag.

Både Yr og Storm melder lettskya eller skyfritt torsdag, laurdag og måndag ettermiddag.

• Sjå detaljert vêrmelding for Osøyro på VG Pent

Er du glad i sol og varme er det uansett berre til å gripa desse dagane, blir juli like våt som i fjor så er dette årets sommar.