Meining | 04. sep. 2023

Ei stemme til Høgre er ei stemme for eit sterkare Høgre!

DEBATT: Høgre har alltid vore eit styringsparti, og vi er klare for å ta det ansvaret det vil krevjast for å få bygd ein kommune for framtida.

Ei stemme til Høgre er ei stemme for eit sterkare Høgre!
Marie Lunde Bruarøy. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 04. sep. 2023 07:39

Allereie i juni i 2022 hadde Bjørnafjorden Høgre tidlegnominasjon av ordførarkandidaten. Underteikna vart samrøystes peika på av partiet, og i samband med annonseringa av dette gjekk vi offentleg ut og kommuniserte at vi ønskja å danna eit borgarleg styre i Bjørnafjorden for perioden 2023-2027.

Vi meinar det har vore uheldig for kommunen å ha eit vaklande styre denne perioden, med usikkerheit og manglande stabilitet.

Høgre har i inneverande periode vore eit sjølvstendig opposisjonsparti, og har samarbeidd med ulike parti for å få gjennomslag for vår politikk. Vi er nøgde med å ha fått mykje viktig politikk vedtatt, men vi kan ikkje ha det slik at det er tilfeldig frå møte til møte kva politikk som vert vedteke.

Vi har i Høgre kalla programmet vårt «Tid for styring!».

Dette for at det er det viktigaste vår kommune no treng. Eit styre som kan få økonomien i balanse slik at vi kan skapa oss eit handlingsrom for å driva med kvalitets- og utviklingsarbeid. Det vil vera nokre tøffe år ein går i møte, og då treng vi trygg politisk styring.

Høgre har alltid vore eit styringsparti, og vi er klare for å ta det ansvaret det vil krevjast for å få bygd ein kommune for framtida.

For å få koma i posisjon til dette arbeidet, treng vi stemmer.

Det vert påstått at ei stemme til Høgre er ei stemme til FrP. Det er ikkje rett! Ei stemme til Høgre, er ei stemme til eit sterkare Høgre!

Det er valresultatet 11. september som avgjer korleis samansetjinga av kommunestyret blir sjåande ut.

Forhandlingar mellom partia kjem i etterkant av dette, og vi er innstilte på å samarbeida med dei som gjev oss gjennomslag for vår politikk. Høgre ynskjer å sitja ved roret, og difor treng vi di stemme, ikkje berre ein slengar.

Bruk Høgre sin stemmesetel, og på denne måten får vi eit sterkare Høgre!

Marie E. L. Bruarøy
Ordførarkandidat, Bjørnafjorden Høgre

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.