Torsdag formiddag cirka klokka 13 gjennomførte politiet ein trafikkontroll i 70-sona på E39 Halhjemsvegen.
Kontrolle resulterte i 7 forenkla forelegg for hastigheit og 2 forelegg for bruk av mobil.
Høgaste målte fart var 103 km/t.
Det utgjer ei bot på 14.500 kroner og tre prikkar.
Ein annan patrulje stod òg på Halhjemsvegen i 70-sona, og sjekka fart og promille.
– Der blei det utdelt 6 forelegg, der høgaste fart var målt til 86 km/t, opplyser politioverbetjent Anne Lyssand.
Det gav ei bot på 6700 kroner og to prikkar for førar.
I går kveld litt over klokka 23 blei eit parkert køyretøy påkøyrd ved eller nær AMFI Os.
Bilen stakk frå staden.
– På noverande tidspunkt arbeider politiet med å få inn opplysingar om hendinga, fortel Lyssand.
Nærmare klokka 23.30 kontrollerte politiet eit køyretøy i Søfteland-området.
Førar, ei kvinne i slutten av 40-åra, var utan gyldig førarkort og åleine i bilen.
Ho var heller ikkje eigar av køyretøyet.
Det blei gjort funn av mogleg narkotika i bilen. Kvinna blei køyrd til legevakt for blodprøve og det blei opprettet sak.
