Brann og beredskap | 13. okt. 2021

Fjerna teiner på Halhjem igjen

– Det er dessverre eit gjentakande problem.

Fjerna teiner på Halhjem igjen
Innseglinga til Halhjem ferjekai. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 13. okt. 2021 08:20

Rett før årets hummarfiske starta, fekk politiet melding om fleire umerkte teiner, som dei fjerna.

Søndag, ti dagar etter at fisket var i gang, kom det melding om eit anna kjent problem.

– Kapteinen på ei av ferjene fortalte om teiner som låg sånn til at dei var til fare for trafikken, fortel varabrannsjef Erik Walden.

For fire år sidan blei ei ferje sett ut av drift grunna teiner i innseglinga.

FosenNamsos Sjø ber hummerfiskarar halde avstand til ferjekai og -farledene både på Halhjem og Hatvik (foto: Kjetil Vasby Bruarøy)
Les ògTeiner sette ferje ut av drift

Brannvesenet har båten Unik liggande ved ferjekaien, så vegen var kort ut til teineplukking.

– Nokre trur kanskje at teinene ligg greit, men gløymer å stramma inn tauet, eller har flytetau. Når det blir fjære sjø driv dei ut og kan hamna tett nok på ferjetrafikken til at tauet blir sugd inn i framdriftssystemet.

Walden har ikkje rapporten framfor seg, men meiner det var to teiner som blei henta denne gong, og at dei var merkte, så eigarane blei kontakta.

Brannvesenet har Unik-båten liggande på Halhjem. (Foto: KVB)
Brannvesenet har Unik-båten liggande på Halhjem. (Foto: KVB)

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.