Politi | 22. jan. 2022

Fotgjengar råka av spegl - ber bilførar ta kontakt

– Det small godt. No har ho smerter i arm og skulder.

Her gjekk kvinna då ein kvit, liten varebil køyrde forbi retning frå Buena mot Helleskaret torsdag. (Foto: Privat)
Kjetil Vasby Bruarøy
Kjetil Vasby Bruarøylørdag 22. jan. 2022 10:02

Torsdag mellom klokka 12.30 og 12.45 blei ei kvinne i 40-åra råka av ein forbipasserande bil på Søvikvegen.

– Speglet trefte armen eller skuldra. Det var ein høg smell, og bilen bremsa litt, som om førar nølte, før den køyrde vidare, fortel ein slektning av kvinna.

Bilen var ein kvit, liten varebil. Merke er ukjent, men den hadde tilsvarande karosseri som ein Caddy.

– Ho gjekk rett nok på høgre side av vegen, men det gjer dei fleste for å få god nok sikt i dette området.

– Det er mogleg at bilførar ikkje forsto kvar smellen kom frå. No ønskjer vi dialog.

Den eine votten hennar skal ha flaksa 5-6 meter bortover vegen etter samanstøyten. Ho blei ståande på beina, men har smerter i arm og skulder.

– Eg var sjølv ute og såg etter bilen, og vi ringte politiet, som var utom og fekk forklaring. Eg fekk inntrykk av at dei ser med alvor på saka. Vi håper bilførar melder seg til politiet eller at nokon har tips.

Midtsiden lykkast ikkje med å få tak i politiet i går.

– Vegen har heldigvis fått ny fartsgrense, men den er smal og det er mange fotgjengarar som bruker den. Eg har inntrykk av at det er ei auke, og det er viktig at bilistar er ekstra varsame i dette området.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.