Ghost til Trondheim!

I helga stilte Os med fem innslag i fylkeskulturmønstringa. Dei 11 dansarane frå talentgruppa til Patricia imponerte stort.

Kjetil Vasby Bruarøy
Kjetil Vasby Bruarøymandag 04. apr. 2011 09:52

Blant rekordmange 80 deltakarar og over 20 innslag var 11 dansarar frå Os kulturskule blant dei fem innslaga frå Os som gjekk vidare til fylkesmønstring i Grieghallen.

Blant 110 innslag blei 9 sendt vidare til UKM-Festivalen i Trondheim, dansegruppa Ghost frå Os er blant dei som skal representera Hordaland på landsmønstringa.

- Det var veldig høgt nivå på fylkesmønstringa, men eg vil seia at Ghost skilte seg ut. Dei fekk fantastisk respons av publikum og eg var ikkje så overraska over at dei gjekk vidare, seier Ellen Merete Lyssand frå Os kommune og Allaktivitetshuset.

Med det må dansarane Aurora Aksnes, Camilla Haugland, Hannah Skaar, Julie Roman, Kristianna Lekven, Margit Hilland, Maria Lund, Marita Sperrevik, Rikke Nilsen, Sara Harild og Synnøve Garlid førebu seg på trondheimstur 24. - 28. juni.

Sjå videoar:
UKM på 12 minutt
Tøft av «Team Patricia»

- Mange flinke

Daneslærarinne Patricia Langeland seier ho synes det var mange flinke på scenen i helga og variert utval av sjangrar blant dei 12 danseinnslaga.

- Men jentene var veldig flinke! Eg var med dei på laurdag då dei var på scenen. Fleire av dei reiste ned i går for å høyra om dei gjekk vidare, og eg fekk ein veldig skjønn telefon frå dei då juryen hadde kome med gladmeldinga, seier Patricia.

Det var i juni i fjor, som avslutting på skuleåret, at 130 danseelevar ved Os Kulturskule hylla Michael Jackson med ei stor og flott danseframsyning i Fjellheim.

I haust fekk vi sjå eit av innslaga, Ghost, under Ole Bull Quiz i Fjellheim, så meldte dei 11 jentene i denne talentgruppa seg på UKM.

- Eg har vore på landsmønstring med elev éin gong før, Andre Marton Pedersen, men det er lenge sidan. No blir det spennande å reisa til Trondheim med 11 jenter frå 14 til 17 år. Eg håper nokre av foreldra blir med, ler Patricia.

Ekstern lenkje:
Desse gjekk vidare frå fylkesmønstringa

19 frå Os

Etter mønstringa i Os gjekk desse 5 innslaga med til saman 19 talentfulle ungdomar vidare til fylkesmønstringa:

• Anette Koldal og Håkon Sørstrønen Skarding
• Ondt i Hodet (Edvard Moe Haugland, Knut Anders Stokke, Sindre Roald og Sondre Brunvoll)
• Richard Myhre Gåssand
• Bård Leganger Landro
• Ghost, 11 danseelevar frå Os kulturskule

- Alle frå Os gjorde god figur, det var tydeleg at vi hadde hatt mange påmeldte i år og at nivået er blitt høgt, seier Ellen Merete Lyssand.

- Og det blei ei veldig rocka mønstring, i tillegg til Ondt i Hodet og Richard Myhre Gåssand var det 37 band på scenen då rockemønstringa starta laurdag kveld.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.