Grøne kundar krev grøne bedrifter

Ordførar Trine Lindborg kunne i dag premiera Montér Os, med dagleg leiar Ketil Dybfest i spissen, som Miljøfyrtårn.

Ketil Dybfest frå Montér fekk utdelt beviset på at den lokale bedriften endeleg er eit Miljøfyrtårn. Ordførar Trine Lindborg fekk gleden av å dela ut beviset. (Foto: Ørjan Håland)
Ørjan Håland
Ørjan Hålandonsdag 09. juni 2021 15:46

Ordførar Trine Lindborg kunne i dag dela ut Miljøfyrtårn-beviset til Montér Os Byggsenter og Optimera Logistikk Os.

– Dette vil på sikt bli eit konkurransefortrinn, og de viser tydeleg veg for alle når de vel denne grøne vegen inn i framtida, seier ordførar Trine Lindborg.

– Eg veit at det ligg mykje arbeid bak denne sertifiseringa, det er ikkje noko ein berre kan knipsa med fingrane for å få. Dette er eit tydeleg samfunnsansvar som dykk no tar, både for dykk sjølv, men også for alle kundane.

Bevisst resirkulering

I Montér Os er det mykje avfall som må handterast, men dette er ikkje noko som er nytt for den lokale bedrifta.

– Den største endringa blir den stadig aukande bevisstgjeringa kring resirkuleringa. Det vil bli auka fokus på detaljar, både på handteringa av vårt eige avfall, men også på kundens avfall.

– Vi er ei bedrift som har handtert mykje forskjellig materiale heile vegen, og dette har vi vore opptekne av i lang tid, seier Ketil Dybfest frå Montér Os.

Bevisste kundar

Dybfest er bevisst på at det kjem nye generasjonar kundar som er opptekne av kva og kor dei skal handla.

– Det er tydeleg at dei komande generasjonane er bevisste på det grøne og miljøet. Dette kjem til å prega handlevanane og då må vi vera med på den vegen, avsluttar Dybfest.

Helge Steinum tok imot miljøsertifikat til Montér Logistikk, lageret i Ådnadalen, på vegne av driftssjef Trond Herland, som ikkje kunne møta. (Foto: ØH)

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.