Halhjem-Sandvikvåg innstilt grunna skodde

Klokka 22.44 måndag kveld varsla Vegtrafikksentralen om innstilt ferjesamband mellom Halhjem og Sandvikvåg.

Klokka 22.55 kom Torghatten Nord med sms med same beskjed.

Årsaka var tett skodde.

Ferjene har lagt i ro i heile natt og låg tysdag morgon framleis til kai.

OPPDATERT: Vegtafikksentralen varslar klokka 09.02 at sambandet kjem i normal drift igjen klokka 09.10.

VTS gjer merksam på at at det vil vera nokre forseinkingar, og at sambandet kan bli innstilt igjen på kort varsel.

– Vi vurderer eitt og eitt anløp. Overfartstida kan koma opp i halvannan til to timar, sa Anders Tøsse frå Torghatten Nord til BT måndag morgon.

Ifølgje BT byrjar ferjekaien då å fyllast opp, og Tøsse fråråda folk å køyra til Halhjem inntil vidare.

I drift

NRK Vestland seier det er enkelte sporadiske overfarter.

Ifølgje Marinetraffic.com er ferja «Lysøy» no i Langenuen på veg mot Halhjem og «Samnøy» er utanfor Øyane på veg til Sandvikvåg.

Halhjem-Våge går framleis, men Skjersholmane-Ranavik og Leirvik-Sløvåg (oppdatert kl 08.44) er ute av drift grunna skodde.