Har rydda glasskor i Ervikane

I går fortalte ein turgåar om velta benkar, knuste flasker og mykje boss i Ervikane. Også busskuret nærmast Ervikane hadde fleire knuste ruter.

Turgåar åtvara hundeeigarar og småbarnsforeldre mot glasskora.

Bergen og Omland Friluftsråd fortel at dei òg fekk beskjed om boss og knuste flasker i går.

– Vår driftsansvarleg har vore og rydda vekk ein god del boss og glasskor, seier dirftsplanleggar Lars Torgilstveit.

– Men det er ikkje lett å bli kvitt alle glasskora, dessverre.

– Kjekt at folk kosar seg ...

På generelt grunnlag seier han at det i sommarsesongen av og til er folk som ikkje oppfører seg som dei skal, og som gløymer normal folkeskikk og åtferd.

– Det har gjerne vore alkohol inne i bildet, og då hender det dessverre at det blir utført hærverk og forsøpling.

– Friluftsrådet forsøker å rydda og drifta områda så godt vi kan. Det er kjekt at områda blir brukte, at folk er ute og kosar seg, og det er fint at dei fleste tar omsyn til kvarandre.

Ervikane har tidlegare blitt kåra til det finaste friluftsområdet i Hordaland.

I pinsen var det fleire hundre som overnatta i telt og hengekøye i området.

OM BOF

Bergen og Omland Friluftsråd (BOF) er et interkommunalt samarbeidsorgan med 12 deltagerkommuner i Bergensregionen: Askøy, Austevoll, Austrheim, Bergen, Bjørnafjorden, Alver, Samnanger, Tysnes, Nye Øygarden, Vaksdal, Kvam og Osterøy.

Kart: Sjå alle områda - med bilde og skildring av plassen

• Friluftsrådets oppgave er å etablere nye friluftsområder, tilrettelegge og holde dem ved like slik at alle kan bruke dem.
• BOF skal også arbeide for større forståelse for friluftslivets betydning, bedre friluftskultur og utbredelsen av friluftsliv.
• Rådet samarbeider med deltagerkommunene, offentlige etater på ulike nivå og interesserte organisasjoner.

BOF har kontor, verksted og garasje på Helleneset i Bergen kommune.